Kryemadhi zbulon dy qytetet ku mund të kandidojë si deputete: Nuk kam problem fare të përballem me këdo që më del para!

Monika Kryemadhi e ftuar në emisionin “Aktualitet në Fax News ka zbuluar dy qytetet e mundshme se ku mund të kandidojë për deputete në zgjedhjet parlamentare të 25 prillit të vitit 2021.

Kryemadhi tha se akoma nuk e ka vendosur, por ka dy ide, ose në qarkun e Elbasanit ose në qarkun e Fierit.

“Është shpejt për të folur për listën e deputeteve të LSI-së. Po bëjmë zgjedhjen e delegatëve për Konventën e partisë me datën 5 dhjetor. Monika Kryemadhi përballet me këdo që i del para. Nuk ka të bëjë me interesin tim personal, por ka të bëjë me parimet. Nuk e kam problem fare. Akoma nuk e kam vendosur ku do të kandidoj për deputete, por kam dy ide Elbasan dhe Fier. Meqë me Kodin e ri e kanë vendosur kryetarin e partisë të kandidojë në katër qarqe do të shikojmë.”- tha Kryemadhi.

(M.Q/Faxweb.al)