Monika Kryemadhi flet nga protesta: Me Edi Ramën rrezikojmë rikthimin e vizave, u kapën me presh në duar

Kryetarja e LSI-së Monika Kryemadhi ka folur në protestën e opozitës që po mbahet sot përoara Kuvendit, duke thënë se bandat dhe krimi kanë marrë peng vendin. Kryemadhi tha se nën qeverisjen e Edi Ramës shqiptarët duan që të largohen në masë nga vendi, duke rrezikuar rikthimin e regjimit të vizave për shqiptarët.

Pjesë nga fjala e Kryemadhit

Opozita ka gabimet e saj. Janë bërë aq shumë gabime sa do na duhet të gjithëve së bashku shumë punë, që nga kryetari i PD-së Lulzim Basha, me të gjithë kolegët e tjerë, jo vetëm me kolegët që dogjën mandatet, por me gjithë ata burra dhe gra, pedagogë, biznesmenë, që nuk duan të ikin nga Shqipëria. 

Sot janë fjalët e tepërta përballë cdo problemi që secili ka në familjet e tyre. Asnjë prej jush këtu nuk është i punësuar, nuk ka pasur një zgjidhje të problemeve që kanë kur kanë trokitur në dyert e shtetit të kapur të Ramës. Paratë e drogës, që mbolli në 2015 dhe i shiti në 2016, që përdori për të blerë votat me bandat e krimit të organizuar në 2017.

Politika më e madhe është buka e shqiptarët që mungon në tavolina, janë cmimet e larta që shqiptarët duhet të paguajnë për të ushqyer familjet, politika më e madhe është që të bëhemi bashkë për vendet e reja të punës, për mundësi shqiptarëve për të jetuar në vend.

Ajo që duhet të bëjmë sot është mundësia që duhet të japim për shqiptarët për punësim, arsim e shëndetësi të barabartë për të gjithë, se studentët e dhjetorit u ngritën për shtet të barabartë, sot ne jemi në vendin e parë që të gjithë duan të largohen nga vendi.

Kjo do sjellë heqjen e vizave, ky njeri që nuk mendon për shqiptarët por për veten, ka detyruar shqiptarët që të ikin, e për të vendosur kushte për ata që

Do kthejë trafikun e vizave që shqiptarët të rrinë në dyert e ambasadave. Ka krijuar probleme se dështoi si qeveri, për 300 mijë vendet e punës, nuk i hapi, por largoi 400 mijë shqiptarë nga vendi.

Ato që ka bërë ky që e shkatërroi fermerët, bujqësinë, arsimin, shëndetësinë, cdo gjë që ishte ndërtuar me mundim, jo perfektë, por funksiononte, prokuroria shërben për bandat, ka arrestuar 38 mijë fukarenj për energjinë, dhe nuk thërret Gjiknurin, Dakon, Afrim Qendron, Vangjush Dakon e kapur me presh në dorë, Edi Ramën që ka bërë fatkeqësitë më të mëdha që i kanë ndodhur vendit.