Një fjalim me tone mjaft entuziaste ka mbajtur deputetja e LSI-së Monika Kryemadhi. Në një fjalë të gjatë ajo është shprehur mjaft entuziaste për fitoren e LSI-së në zgjdhjet e Qershorit. Për Kryemadhin LSi është forcë e njerëzve të thjeshtë pasi merret me hallet dhe shqetësimet e përditshme të shqiptarëve.
Kryemadhi në fjalën e saj ka falenderuar edhe minsitren e Integrimit Gjosha që i është dashur të mbyllë herë pas here gojën. Fjali kjo disi e paqartë nëse bëhet fjalë për probleme të brendshme në LSI apo me probleme me qeverinë Rama.
‘’Dua të falenderoj në mënyrë të veçantë Klajdën (ministren e Integrimit). Dhe pse herë pas here i duhet të mbylli gojën që gjërat të shkojnë në rrugën e duhur. Kjo është LSI-ja një parti e vogël në dukje, merret dhe me hallet e vogla të njerëzve. Hall i madh është të shkosh në hënë dhe jo të sigurosh bukën e përditshme. Nuk quhet hall i madh të krijosh një vend punë, nuk është një hall i madh të kesh para të blesh librat e fëmijëve.
LSI-ja vërtet është një Parti e Vogël po ka një derë të madhe për këdo që vjen te ajo. Lsi-ja është një parti e njerëzve të thjeshtë pasi shqiptarët janë njerëz të thjeshtë. Ne nuk kemi nevojë për ëndrra të parealizueshme. Ne nuk kërkojmë një pikturë të madhe me shumë ngjyra, ne kërkojmë pikturën tonë, një Shqipëri Europiane për të gjithë shqiptarët.
Kam qenë e juaja, jam e juaja dhe do jem e juaja, edhe pse vajza ime e vogël do bëhet xheloze për këtë që them. Jeta ime ka qenë në politikë, dashuria ime ka qenë në politikë dhe fëmijët e mij janë rritur në politikë. Vitet më të bukura të fëmijëve tanë ka kaluar në politikë për të bërë gjëra të vogla por të vlefshme. Sot është shumë e thjeshtë për të bërë politikë në krahasim me vite më parë po është shumë e vështirë për të krijuar një ambjent të qetë. I uroj suksese të gjithë ekipit.
Mos harroni që LSI është e vetmja alternativë që kanë sot shqiptarët. E them këtë e vetmja alternativë sepse është e vetmja që nuk ka asnjë lloj kompleksi, ka kodet e saj të funskionimit respeekti ndaj ligjit dhe respekti ndaj zotit. Në bazë të LSI-së qëndron shqiptarizmi. LSI do të jetë forcë fituese në zgjedhjet e Qershorit pasi ajo ka një sekret dhe ata janë të rin jtë që rriten ccdo ditë, dhe shtojnë çdo ditë e më shumë rradhët. Sukesese dhe fitore në zgjedhjet e 2017-tës’’, ka deklaruar Kryemadhi. (E.K/SHUPLAKA)
https://www.youtube.com/watch?v=2Vr1jr7bw2c
