“Kemi informacione” Monika Kryemadhi zbulon emrat e trashëgimtarëve që do të zëvendësojnë Ramën në krye të PS-së

Kryetarja e Lëvizjes Socialiste për Integrim, Monika Kryemadhi e ftuar në emisionin “Aktualitet” në Fax News u pyet nga drejtuesi emisionit Bejdo Male, në lidhje me luftën brenda Partisë Socialiste për lidershipin e saj.

Kryemadhi tha se ka informacione se trashëgimtari i Partisë Socialiste, pas largimit të kryeministrit Edi Rama, do të jetë ose Erion Veliaj ose Taulant Balla ose ndonjë grua, emrin e të cilës Kryemadhi nuk e zbuloi.

Bejdo Male: Ka zëra që më shumë shqetësim i Edi Ramës është Erion Veliaj, sepse nëse fiton mandat të tretë Edi Rama, Erion Veliaj duke ju konsumuar dy mandate del jashtë PS-së, kur ai e ka shpallur veten trashëgimtar të saj, sesa opozita shqiptare!? Ka ndonjë të vërtetë?

Kryemadhi: Nuk besoj Erion Veliajn Edi Rama e ka një kafshatë. As nuk e besoj fare por do të shikojmë si do të ecë lista e deputetëve di që ka një konkurencë të madhe. Vetë në PS janë të bindur se një mandat i tretë është 1000% i pamundur. Por beteja është midis liderëve të nivelit të dytë se kush do të jetë trashëgimtari i Partisë Socialiste, Erion Veliaj, Taulant Balla apo ndonjë grua. Nuk është ide, kemi informacione, por ka kohë për këtë.

(M.Q/Faxweb.al)