Monika Kryemadhi për Gjovalin Kadelin: Ti ike nga ne, por ne nuk do të të harrojmë kurrë

Pas vdekjes së deputetit të LSI-së Gjovalin Kadeli në Itali, Monika Kryemadhi ka reaguar  në  rrjetet  sociale.  Ajo ka postuar një foto të deputetit  me mbishkrimin “Ti ike nga ne, por ne nuk do të të harrojmë kurrë, sepse nuk mund te largohesh kështu.Ne nuk do të të harrojmë kurrë!”

Deputeti i Lëvizjes Socialiste për Integrim, Gjovalin Kadeli, ka ndërruar jetë në moshën 53-vjeçare në një spital në Itali, ku ishte dërguar për t’u mjekuar. Shkak është bërë sëmundja e pankreasit akut, prej së cilës vuante prej disa kohësh. 

Lajmi për gjendjen e tij të rëndë shëndetësore u bë me dije në fund të muajit Mars, kohë gjatë së cilës u mësua se deputeti ndodhej në gjendje të rëndë shëndetësore, i shtruar në QSUT.

Për shkak të komplikacioneve të shfaqura, ai u dërgua me urgjencë në Itali, për ndihmë mjekësore më të specializuar.   (S.SH/Shuplaka)