Deputetja e LSI-së Monika Kryemadhi, e ftuar në emisionin “Të Paekspozuarit” të gazetarit Ylli Rakipi, ka folur për marrëveshjen PS-PD, marrëveshje e cila sipas saj favorizon pikërisht LSI-në, duke e kthyer politikën në tre polare.
“Hyrja e PD-së në zgjedhje është vendim shumë i mirë. Dua të theksoj që marrëveshja e dy partive të vjetra nuk ka të bëj me atentat ndaj LSI-së. Mosregjistrimi i koalicioneve na favorizon. Politika është bërë tre-polare. Po të shihni progresionet aritmetike të votave kuptoni që politika është bërë tre-polare.
Kjo e shtensionon sadopak situatën politike. Ndërsa, sa u përket intrigave ndaj LSI-së, ato e bëjnë më të bukur lojën. Marrëveshjet për mua personalisht, por edhe e LSI nuk i shqetëson fare marrëveshja e dy partive të vjetra.
Ajo që mua më shqetëson është se sa thelb kombëtar ka brenda marrëveshja, kjo është shumë e rëndësishme dhe sa do t’i shërbejë kjo vendit për stabilitetit. Dhe nuk më takon mua ta them këtë gjë sepse kjo është një marrëveshje që nuk ka transparence.”, tha Kryemadhi. (D.D/Shuplaka)
