Deputetja e LSI-së Monika Kryemadhi dhe njëkohësisht bashkëshortja e kreut të Kuvendit Ilir Meta, e ftuar në “Vila 24” tregon momentet e vështira që ka kaluar përkrah tij.
“Lidhja është përforcuar prej faktit se jemi të dy në politikë, ti gjithmonë bashkohesh me shokun tënd, ose e urren shokun tënd me atë që bëni bashkë. Për ne ka rezultuar pozitive, e ka bërë lidhjen tonë më të konsoliduar.
Kemi kaluar shumë gjëra bashkë, duke nisur që nga lufta për ta hequr Ilirin kur ishte kryeministër dhe kur ai dha dorëheqjen. Çfarëdo që të ndodhi dhe si është e vërteta, perceptimi është krijuar dhe ti bëhesh indiferent. Kjo më ka ndodhur edhe në Dibër, që unë nuk e mora vesh kurrë cili ishte personi që i doli Metës përpara me motor, nuk u mor vesh dhe nuk u hap asnjëherë.
Normalisht që ndihesh i kërcënuar. Si parti politike ne gjithmonë prishim interesa të caktuara. Ndihesh i kërcënuar se vendimet e tua i shërbejnë të gjithëve, i shërbejnë shumicës. Sepse unë zgjedh shumicën, ky ligj dëmton interesa të caktuara te një grusht njerëz të fuqishëm, oligarkë, të cilët nuk dihet nga e kanë origjinën.”, shprehet Kryemadhi. (D.D/Shuplaka)
Discussion about this post