Dy persona kanë rënë në prangat e policisë së Tiranës dhe një tjetër është shpallur në kërkim për veprën penale të mashtrimit. Ata në bashkëpunim me njëri tjetrin i kanë marrë rreth 4 milionë lekë të reja një shtetaseje, e cila më pas ka bërë dhe denoncimin.
Detajet:
Më datë 15.01.2017, Specialistët e Komisariatit të Policisë nr 2 kanë bërë të mundur arrestimin e shtetasve:
-Artan Laçi, 23 vjeç, banues në Tiranë
-Skënder Nela, 32 vjeç, banues në Tiranë
Po punohet për kapjen e shtetasit S. D., 30 vjeç, banues në Tiranë, si dhe ndiqen në gjendje të lirë shtetasit K. A., 28 vjeç, dhe K. A., 29 vjeç
Arrestimi i shtetasve të lartpërmendur u bë pasi shtetësja Xh. N., 28 vjeçe, banuese në Tiranë ka kallëzuar se këta shtetas tek Ish- Ekspozita në zyrën e saj në bashkëpunim me njëri tjetrin dyshohet që me anë të mashtrimit i kanë marrë shumën prej 4 milion lekë (të reja), kurse shtetasit K.A dhe K.A e kanë kanosur. Materialet i’u kaluan Prokurorisë pranë Gjykatës së Shkallës së Parë Tiranë. Nenet 143/2, 84 e 25 të Kodit Penal. (E.K/SHUPLAKA)
Discussion about this post