QSUT reagon pas një videoskandali të publikuar nga portali “JOQ”, ku dallohej qartë se si mjekët merrnin para për një operacion apandesiti.
Qendra Spitalore Universitare njofton se kanë nisur procedurat për të pushuar nga puna zgjidhje të mjeken E.N dhe sanitaren M.K, të cilat u filmuan duke kryer këtë lloj forme të korrupsionit.
Njoftimi i QSUT:
Drejtoria e QSUT reagon menjëherë pas daljes në mediat online, të pamjeve filmike, ku shfaqen dy punonjëse të stafit mjekësor dhe sanitar në shërbimin e Urgjencës Kirurgjikale, në një akt mitmarrje gjatë ushtrimit të detyrës.
Drejtoria e Përgjithshme e QSUT-së, njofton se është duke zbatuar procedurat e parashikuara nga dispozitat e Kodit të Punës për zgjidhje të menjëhershme të marrëdhënieve të punës për mjeken E.N dhe sanitaren M.K., ndërkohë që çështja po i përcillet organeve kompetente ligjzbatuese si dhe Urdhërit Profesional të Mjekut për ndjekjen e mëtejshme.
Drejtoria e Qendrës Spitalore Universitare “Nënë Tereza” u bën thirrje të gjithë qytetarëve që marrin shërbime mjekësore në QSUT, që të mos hezitojnë për të bashkëpunuar në raportimin dhe denoncimin e çdo rasti korruptiv, në cilindo nivel të shërbimit spitalor. (D.D/Shuplaka)
