Morën pjesë në fushatë , shkarkohen dy drejtorat e OSHEE-së (EMRAT QË I ZËVENDËSOJNË)

Të tjera pezullime vinë për shkak të përfshirjes së administratës në fushatë. Këtë herë është fjala për sektorin e energjisë.

Kështu është pezulluar nga puna drejtori i OSHEE-së në Elbasan Bukurosh Maci dhe drejtori i OSHEE-së në Pukë Ndue Nikolli.

Po  sot në këto drejtori, Administratori i OSHEE, Haki Mustafa ka komanduar dy emrat e rinj: .Alfred Mitro në pozicionin drejtor të drejtorisë rajonale të OSHEE Elbasan dhe Admir Uruci shef i agjencisë OSHEE Pukë.

NJOFTIMI: 

Administratori i OSHEE, z. Haki Mustafa, ka urdhëruar sot pezullimin e dy punonjësve të kompanisë OSHEE, përkatësisht:

Bukurosh Maci, me detyrë drejtori i Drejtorisë Rajonale të OSHEE Elbasan dhe z. Ndue Nikolli me detyrë shef i agjencisë OSHEE Pukë, me motivacionin “Për pjesëmarrje në fushatë”.

Arsyeja e këtij vendimi është bazuar në nenin 153 pika 1,2, neni 154 pika 1 e Kodit të Punës si dhe duke u mbështetur në VKM nr. 473 datë 01/06/2017 pika 2 “Për marrjen e masave dhe  monitorimin e veprimarisë, sjelljes apo përdorimit të burimeve njerëzore, financiare dhe logjistike të administratës shtetërore, gjatë procesit zgjedhor për zgjedhjet në Kuvendin e  Shqipërisë për vitin 2017”.

Po sot administratori i OSHEE-së, z.Haki Mustafa,  ka komanduar z.Alfred Mitro në pozicionin drejtor të drejtorisë rajonale të OSHEE Elbasan dhe z.Admir Uruci shef i agjencisë OSHEE Pukë.