Publikohen pamje nga aksidenti i rëndë që ndodhi sot në Vlorë, ku pas përplasjes së dy automjeteve ka mbetur e plagosur një 26- vjecare.
Në videon e publikuar nga BalkanWeb, në momentin që vajza nxirret nga makina, dëgjohen të bërtitura dhe thirrje për ndihmë: “Kush ka ujë, na duhet një bidon me ujë?”
Pas tensionimit të situatës, dikush bën thirrje që vajza të nxirret sa më shpejt. Kjo sepse makina po merrte flakë. “Mori flakë makina po nxirreni shpejt!”, dëgjohet zëri.
Aksidenti në fjalë ka ndodhur rreth orës 17:50, në hyrje të Vlorës.
Pranë vendit të quajtur “Pusi i Mezinit”, automjeti tip Nisan-autoveturë, me targë AA 879 J X, me drejtues shtetasen J.L., 26 vjeçe, banuese në Vlorë, është përplasur me një mjet tjetër Nisan-karoceri, me targë AA 294 MZ, me drejtues shtetasin Xh.Sh., rreth 45 vjeç, banues në Vlorë.
Për pasojë është dëmtuar rëndë shtetësia J.L, e cila ndodhet në Spitalin e Vlorës.
Policia ka shoqëruar drejtuesin e mjetin tjetër të përfshirë në këtë përplasje, shtetasin Xh.Sh., me qëllim sqarimin e rrethanave të aksidentit.
Bardhë e blutë po punojnë akoma për të zbardhur ngjarjen.
Discussion about this post