“Mori ofertën një javë pas aplikimit”, Rama zgjedh një imazh për të uruar Ditën e Punëtorëve, tregon sa vende pune ka në dispozicion

Në Ditën Ndërkomëbtare të Punëtorëve, kryeministri Edi Rama ka zgjedhur imazhin e një të punësuare përmes Zyrës së Punës në Tiranë.

Ai shkruan se ajo u punësua në një prej hoteleve më të mira në rolin e menaxheres, duke marrë ofertën një javë pas aplikimit. Duke vazhduar ta cilësojë të suksesshëm punën e qveverisë për uljen e papunësisë, ai tregon se sa janë punësuar dhe sa vende të lira pune kanë mbetur në zyrat e punës.

MIRËMËNGJES

dhe ju uroj 1 Maj të mbarë me këtë imazh të kësaj menaxhereje punësuar në një nga hotelet më të mira në Tiranë përmes Zyrave të Punës.

Iden Petraj besoi tek Shërbimi ynë Kombëtar i Punësimit ku aplikoi dhe mori ofertën e përshtatshme vetëm një javë më pas. Në 3 vitet e fundit janë punësuar 79096 punëkërkues vetëm nga zyrat e punës, ndërkohë që aktualisht janë dhe 38 mijë vende të lira në dispozicion.

Por shumë më shumë mbetet ende për tu bërë për punësimin. Dhe shumë ka për të humbur nëse ndalemi sot. Prandaj përpara për Shqipërinë që duam ?? me #Shtet#Punë#Mirëqenie.”, shkruan Rama.

(XH.A/SHUPLAKA)