Mori peng shtetasit maqedonas, arrestohet 47-vjeçari në Pogradec

Specialistët e Seksionit për Krimet, në Komisariatin e Policisë Pogradec bënë arrestimin në flagrance një 47-vjeçar nga Pogradeci.

Arrestimi i tij u bë sepse dyshohet se ky shtetas i ka hequr lirinë në mënyrë të paligjshme shtetasit maqedonas D.S, pasi  kishte dalë garant për marrjen e një sasie lekësh që shtetasi D.S, ia kishte marrë borxh një shtetasi tjetër, mik me shtetasin A.T.

Njoftimi i policisë:

Arrestohet në flagrancë një shtetas për veprën penale “Shtrëngimi me anë të kanosjes ose dhunës për dhënien e pasurisë”.

Specialistët e Seksionit për Krimet, në Komisariatin e Policisë Pogradec bënë arrestimin në flagrancë të shtetasit:

A.T, 47 vjeç, lindur në Pogradec.

Arrestimi i tij u bë sepse dyshohet se ky shtetas i ka hequr lirinë në mënyrë të paligjshme shtetasit maqedonas D.S, pasi  kishte dalë garant për marrjen e një sasie lekësh që shtetasi D.S, ia kishte marrë borxh një shtetasi tjetër, mik me shtetasin A.T.

Materialet i kaluan Prokurorisë të Krimeve të Rënda në Tiranë për veprime të mëtejshme hetimore.

(F.GJ/FAXWEB.AL)