Shefi i administratës së Drejtorisë Rajonale Tatimore Tiranë, Bledar Loci, vazhdon normalisht punën edhe pas urdhrit për pezullimin e tij të lëshuar rreth një javë më parë nga Drejtoria e Përgjithshme e Tatimeve.
Disa ditë më parë Ora News publikoi rastin e Locit, i cili edhe pse me statusin e nëpunësit civil shprehte hapur qëndrimet e tij politike, duke bërë thirrje për votimin e PS-së.
“Me aktivistë të njësisë 5, voto numrin 2. Partia Socialiste, për Shqipërinë që duam” shkruante shefi i administratës së Drejtorisë Rajonale Tatimore Tiranë, krah një fotoje me simpatizantë e mbështetës të PS.
Ligji për nëpunësin civil thekson se jashtë orarit të punës nënpunësi civil ka të drejtë të marrë pjesë në veprimtari politike por nuk i lejohet të ndërmarrë veprime të bëjë fushatë për një subjekt politik duke u ekspozuar publikisht. (M.D/Shuplaka)
