Mori vlerësimet më të ulëta, cilat janë rekomandimet e britanikëve për Universitetin e Tiranës

Ditën e sotme u publikua një dokument, i cili zbulonte arsyet se pse Universiteti i Tiranës mori një vlerësim të ulët dhe u akreditua vetëm për një vit, ndërkohë universitet në qarqe të tjera të vendit morën akreditim deri në 5 vitet e ardhshme. 

Disa prej arsyeve ishin programet e vjetra mësimore, mungesa e  teksteve shkollore dhe materialeve online, apo mungesa e infrastrukturës mësimore.

Mirëpo përveç vlerësimeve të ulëta, britanikët kanë bërë edhe rekomandimet e tyre se si duhet përmirësuar Universiteti Publik i Tiranës, të cilat janë përkthyer nga redaksia e “Shuplaka-s”.

Skuadra e kërkimit ka bërë rekomandimet e mëposhtme:

-Universiteti të përshtasë dhe të përmirësojë menjëherë statutin duke përfshirë një qëndrim të qartë me objektivat dhe misionin e tij.

-Universiteti të zhvillojë dhe implementojë menjëherë një strategji të zhvilluar e cila të përfshijë misionin dhe qëllimin e tij dhe të përcaktojë objektivat.

-Universiteti të sigurojë një raport vjetor të cilën ta dërgojë në ministri, në përputhje me pritshmëritë statuore dhe legale.

-Universiteti të sigurojë që deri ën 2018-ën, zhvillimi i tregut të informojë mbi strategjinë, qëllimin e misionin e zhvilluar.

-Universiteti deri ën 2018-ën, duhet të bëjë një vlerësim të qartë, të përputhshëm dhe të dokumentuar me  të dhënat periodike për performancën dhe aftësitë e stafit.

-Universiteti duhet të rishikojë dhe të ripunojë uebsajtin deri ën shtator të 2018-ës, për të siguruar një platformë të qëndrueshme, dygjuhëshe, që u përgjigjet nevojave të palëve të interesuara.

-Universiteti duhet të ndërmarrë hapa të matur, për të siguruar që ka mjaft burime për mjedisin dhe infrastrukturën për një performancë të mirë akademike dhe shkencore

-Universiteti duhet që  në fillim të vitit të ardhshëm akademik, të rishikojë bazën e të dhënave për programet e studimit, për t’u siguruar që janë koherente dhe në përputhshmëri me kërkesat e ligjit.

-Universiteti duhet të zhvillojë dhe implementojë një vlerësim strategjik për të rritur mobilitetin e studentëve. (deri në gusht të 2018-ës)

-Universiteti duhet të sigurojë që ka një politikë të qartë dhe të dokumentuar për procedurat  për trajtimin e një vlerësimi institucional. (deri ën gusht të 2018-ës)

-Universiteti të zhvillojë dhe të implementojë një politikë formale lidhur me plagjiaturën dhe të tjera sjellje të gabuara akademike.

-Universiteti duhet të qartësojë dhe të publikojë vlerësimin e bërë të programeve të studimit

-Universiteti duhet të zhvillojë dhe të  implementojë një strategji për të drejtuar prioritetet e kërkimit institucional.

-Universiteti duhet të ndërmarrë një aksion sistematik për të përmirësuar përgatitjen dhe aksesin në library dhe burimet online.

-Universiteti duhet të ndërtojë një strukturë dhe procedurat për mbledhjen e të dhënave lidhur me punësimin e të diplomuarve të tij.   

Sjellim ndërmend se sipas burimeve të “Shuplaka-s” Universitetin e Tiranës e  kanë kontrolluar pjestarët e stafit britanikë, kurse në universitet në qarqe të tjera të vendit përveç britanikëv ka pasur edhe staf shqiptar. (D.D/Shuplaka)