Presidenti i SHBA Donald Trump njihet për veprimet e tij të papritura gjatë takimit me liderë të vendeve të ndryshme ku shpesh herë ai i kap në befasi me gjestet që bën.
Këtë herë “viktimë” e tij ka qenë mbretëresha 92 –vjeçare Elizabeta e dytë.
92-vjeçarja, Shkëlqesia e saj Mbretëresha e Anglisë mikëpriti Trump dhe Melanian. Një ceremoni e cila u shoqërua nga një marshim i trupave ushtarakë britanikë në shenjë të mirënjohjes së vizitës së Trump në Britani.
Por presidenti amerikan ka thyer protokollin gjatë vizitës mbretërore duke e lënë atë të priste dhe gjatë takimit nuk respektoi traditën për tu përkulur por thjeshtë duke e përshëndetur me një shtrëngim duarsh.
Situata e sikletshme do të vinte më vonë kur Trump dhe mbretëresha do të vizitonin rojet e nderit.
Presidenti amerikan nuk kupton sinjalin e 92-vjeçares se nga cila anë duhet të lëvizte dhe vazhdon i vetëm përpara, duke e lënë pas shpine mbretëreshen e cila ‘hutohet’ nga lëvizjet e Trump.
Gafat u kapën shpejt në mediat sociale, ku ai u etiketua si ‘i vrazhdë’ dhe ‘i pasjellshëm’.
https://www.youtube.com/watch?v=T_FjIbMYQoQ
(B.H/Faxweb)
Discussion about this post