“Mos e ngatërroni zotin Meta me Erion Veliajn”, Kryemadhi flet pas paraqitës në SPAK

Pas paraqitjes së saj në SPAK në zbatim të masës “detyrim paraqitje”, Monika Kryemadhi foli për mediat.

E veshur me rroba ngjyrë mavi nga mesi e lartë, Kryemadhi tha se kjo ishte përzgjedhje e saj e qëllimshme.

“Kam dhe thonjtë biles e kam me përzgjedhje, mavia ma ka vjedh mua ngjyrën”, tha Kryemadhi.

Më tej ajo u pyet nëse para se të hynte në SPAK po fliste me Metën.

Ajo tha se po fliste me fëmijët e saj dhe se nuk ka komunikim me Metën.

Kryemadhi kërkoi që mos të ngatërrojnë Metën me Veliajn, pasi sipas saj Meta nuk flet ccdo ditë me stafin e tij, siç bën Veliaj nga burgu.

“ Po flisja me fëmijët e mi para se të shkoja te SPAK. Ju e dini shumë mirë që unë nuk komunikoj me zotin Meta, po zotin Meta mos e ngatërroni me Erion Veliajn që flet çdo ditë me stafin e tij dhe u përgjigjet edhe komentuesve “, tha Kryemadhi.