”Mos e prekni se e kam vrarë”, dëshmi tronditëse nga krimi brenda familjes. 53-vjeçarja e mbuluar nga gjaku (Video)

Një krim i rëndë brenda familjes ka ndodhur sot në fshatin Vagalat të Memaliajt, ku trupi i një gruaje është gjetur i pajetë.

Faxweb raporton se 53-vjeçarja Antoneta Hoxha është gjetur e pajetë brenda në banesën e saj, me dëmtime në kokë dhe në krahun e majtë.

Dyshimet e para janë se 53-vjeçarja është vrarë nga bashkëshorti i saj Skënder Hoxha, i cili është shoqëruar nga ana e policisë për në komisariat, dhe ende nuk dihet nëse e ka pranuar krimin.

Mësohet se ngjarja e rëndë ka ndodhur rreth orës 4 të mëngjesit, ndërsa çifti kishte katër fëmijë, të cilët nuk ndodheshin në banesë në momentin kur ka ndodhur krimi i rëndë.

Ka qenë vetë bashkëshorti ai që ka lajmëruar kryeplakun e fshatin dhe i ka thënë: Hajde se ka vdekur gruaja!

Kryeplaku i fshatit Hodo Hoxha tregon se viktimën e kishte gjetur me plagë të mëdha në kokë, dhe të mbuluar nga gjaku.

‘’Kur erdhëm këtu te shtëpia, më tha mos e prekni me dorë se e kam vrarë. Çifti ka një djalë dhe tre vajza, të cilat janë të martuara. Kur erdha unë në 4 gjaku ishte i ngrirë dhe kishte një plagë të madhë në kokë, se me çfarë e ka vrarë nuk e di”, shprehet kryeplaku i fshatit.

Në vendngjarje po shkon grupi hetimor, për të hetuar shkaqet e kësaj ngjarjeje të rëndë.

(E.K/FAXWEB.AL)