Sekretari i Përgjitshëm i Partisë Socialiste Taulant Balla pas takimit me raportuesen e Parlamentit Europian, komentoi edhe thirrjet e presidentit Ilir Meta për tubim në mbrojtje të kushtetutës me datën 2 Mars.
Balla u shpreh se rrugën europiane nuk mund ta pengojnë apo dëmtojnë kapriçio personale të kujtodo individi, ndërkohë që i ftoi mediat që të mos harxhojnë kohë me histori idioteske me grushte e mos grushte shteti.
Balla tha se Ilir Meta e ka shndërruar presidencën në një pre selive të opozitës, dhe shtoi se është i lirë që të shkojë tek tryezat e opozitës.
Po ashtu Balla shtoi se ato kanë një dakordësi me opozitën, për të vijuar bisedimet në procesin institucional të draftimit të një kodi zgjedhor.
“Rruga Europiane e Shqipërisë, nuk mund të pengohet dhe të dëmtohet nga asnjë kapriçio personale e kujtdo individi. Rruga Europiane e Shqipërisë është sot më e sigurtë se kurrë. Kemi ecur shumë mirë gjatë këtyre viteve drejt integrimit në BE.
Ka individë të cilët harrojnë se halli personal nuk mund të vendoset mbi aspiratën tonë drejt integrimit në BE. Mos harxhoni kohë kot me transmetime pa fund historinë idioteske me grushte e mos grushte shteti e të tilla si këto.
Askush nuk e mohon në Shqipëri që Ilir Meta ka kohë qe ka shndërruar Presidencën në një prej selive të opozitës në vend. Kushtetuta nuk ja lejon, por Ilir Meta mund të marrë pjesë lirisht në tryezat që Lulzim Basha që organizon me opozitën.
Unë nuk kometoj problemet e brendshme të opozitës. Ne kemi një dakordësi me opozitën, të paktën me lidershipin zyrtar, për të vijuar bisedimet në procesin institucional të draftimit të një kodi zgjedhor. Ky proces ka ecur shumë mirë. Kujtoj se 15 marsi është shumë afër dhe duhet të arrijmë një draft përfundimtar.”- tha Balla.
(M.Q/Faxweb.al)
