“Mos i bëni publike” e deri tek 8 bodyguard-ët e mbretit Zog, publikohen detajet dhe fotot e dasmës së Alketa Vejsiut

Pavarësisht përpjekjeve të atëhershme të saj për të larguar nga vëmendja e mediave dasmën, e cila u përfol së shumti, janë publikuar fotot nga ky eveniment sekret dhe mjaft i përfolur në atë kohë.

Moderatorja e tashmë edhe një biznesmene e suksesshme, Alketa Vejsiu, u përpoq të mbante larg vëmendjes ngjarjen e rëndësishme të jetës së saj, duke nisur nga vajtjet fshehurazi tek “Geraldina Sposa”, tek punësimi i tetë bodyguard-ëve të firmës që siguronin mbretin Leka Zogu.

“Në portën kryesore të Vilës Toskana në afërsi të Pezës, askush nuk mund të guxonte të afrohej nëse nuk ka pasur në xhep ftesën e Alketës. Tetë prej badigardëve më të përzgjedhur të firmës private, të cilët prej më shumë se dy vitesh kujdesen për sigurimin e mbretit Leka Zogu, janë vënë në mbrëmjen e 22 shtatorit në shërbim të Alketa Vejsiut. Në pikat kyçe të vilës ka qënë gjithnjë i pranishëm një sy i kujdesshëm për të zbuluar paparacin, por edhe për të evituar çdo blic që mund të vinte nga vetë të pranishmit. Vetë Alketa nuk ka hezitur që t’u kujtojë edhe të ftuarve të saj që kryenin fotografi me të që të mos i bënin ato publike.”, shkruan Gazeta Shqiptare.

Pavarësisht daljes së këtyre detajeve, ajo nuk u dorëzua. Dha një intervistë tek revista “Klan” në atë kohë si mënyrë për të përgënjeshtruar gjithçka që po thuhej për të, për të vazhduar me bashkëpunimin muzikor me Miriam Canin.

Alketa Vesjiu u celebrua natën e 22 shtatorit me Ardi Nelaj, djalin me të cilin kishte vite që kishte qenë e lidhur. Në ceremoninë shumë intime me afro 90 persona – të ftuar në atë natë speciale për Vejsiun ishin vetëm të afërmit dhe miqtë e saj më të ngushtë, ndër ta: Vera Grabocka me bashkëshortin e saj Timo Flloko, Valbona Selimllari, Adi Hila, Pandi dhe Bledi Laço, apo dhe ish-ministrat Igli Toska dhe Blendi Klosi.

(XH.A/SHUPLAKA)

[ngg_images source=”galleries” container_ids=”1414″ display_type=”photocrati-nextgen_basic_thumbnails” override_thumbnail_settings=”0″ thumbnail_width=”240″ thumbnail_height=”160″ thumbnail_crop=”1″ images_per_page=”20″ number_of_columns=”0″ ajax_pagination=”1″ show_all_in_lightbox=”0″ use_imagebrowser_effect=”1″ show_slideshow_link=”1″ slideshow_link_text=”[Show slideshow]” order_by=”sortorder” order_direction=”ASC” returns=”included” maximum_entity_count=”500″]