Mbrëmjen e kaluar, Kreshnik Spahiu, i ftuar në emisionin “Zonë e Lirë” të gazetarit Arjan Çani, bëri deklaratën e fortë se heq dorë përfundimisht nga zgjedhjet e qershorit, partia që drejton ‘Aleanca Kuq e Zi’ dhe nga politika.
Mirëpo sot, aktori i humorit Albano Bogdo, siç e ka zakon duke përdorur batuta, e ka komentuar mjaft rëndë këtë vendim të Spahiut.
“E di çfare me kujton Kreshnik Spahiu me faktin qe “doli” nga politika kur ne fakt nuk ishte kurre brenda? Ata çunat e lagjes qe thoshin “mos i fol kesaj se eshte dashnorja ime”(ajo sdinte gje fare), pastaj pas nje jave t’thoshin “e lashe baxhellen se s’dinte t gatuante.”, shkruan aktori me humor.
Mbrëmjen e kaluar, Spahiu deklaroi se ishte kreu i PD-së Lulzim Basha, ai i cili e kishte drejtuar në këtë vendim. Kjo pasi sipas Spahiut, kreu i opozitës e preu në besë duke mos e bërë pjesë të listave të PD-së, në momentin e fundit kur nuk ka më kohë të rregjistrohet as i vetëm në zgjedhje.
“I vetmi person që nuk ka shkelur në dyert e PD për të lypur mandate, jam unë. Vetëm sot i kam çuar sms: ‘Zoti basha, etika si ekip, bashkëluftëtar, më takon që mos ta ndjek këtë në televizion, ma thuaj ta dëgjoj nga ti.
Biseda që kisha me zotin Basha është kjo, jam njeri me karakter, me edukatë, nuk do largohem nga kjo luftë duke sharë, por nga kjo bisedë iu hoq e drejta AAK-së që të mos përfaqësohej fare në zgjedhje. U pa që AAK mos të jetë pjesë e Kuvendit, më e keqja është se pas dy orësh përfundon afati për t’u rregjistruar edhe i vetëm dhe s’ka më kohë.
Në luftë hyhet në besë, në besë me kauzë, dhe me lider që premtojnë objektivin me të cilin ke hyrë. Largohem nga kjo luftë kokëlartë.”, tha Spahiu. (D.D/Shuplaka)
