Ministri i Jashtëm Ditmir Bushati, në një takim elektoral në qytetin e Shkodrës, u ka thënë qytetarëve që të mos besojnë “partizat” që premtojnë punësim. Duket sikur Bushati i referohet Lëvizjes Socialiste për Integrim, duke qenë se kjo parti ka në një prej sloganeve të saj pikërisht punësimin: “Për më shumë punësim”.
“Ka partiza dhe individë që dalin publikisht dhe premtojnë për punësim madje duke mos respektuar dhe ndryshimet e fundit në Kod Penal. Një mik më tha që e kishte kontaktuar një parti që po premton vende pune në burgun e Malësisë së Madhe. Ajo që i thashë është se përgjigjja që duhet t’i jepte atyre që premtojnë punësime të tilla është se: Në pune do të futen në bazë të meritës, në burg kujdes se do të futesh vet.
Unë e di që kur flasim për reformat e shtet-ndërtimit demokratik në Shkodër ka njerëz që thonë hajde me mua tek zyra e Hipotekës dhe shiko se çfarë ndodh. Ku flamuri i partisë është më i rëndësishëm se interesi i Shqipërisë.”, deklaroi Bushati. (D.D/Shuplaka)
Discussion about this post