Arben Malaj ka treguar mesazhin në celular që i ka sjellë kryetari i grupit parlamentar të PS-së Taulant Balla, i cili i ka thënë tekstualisht se do ta heqin nga puna nëse ai vijon të kritikojë qeverinë dhe kryebashkiakun e Tiranës Veliaj.
Në një intervistë për emisionin opinion, dhe pak orë pasi parlamenti e shkarkoi, Malaj u shpreh se ai ka qenë kundër modelit qeverisës së Ramës. Malaj gjithashtu i është referuar dhe gjyqit mes qeverisë e biznesmenit Bechetti, i cili sipas ish Ministrit të Financave, do t’i fitojë 110 mln dollarë në gjyq për arsyen e thjeshtë se kryebashkiaku Veliaj (atëherë Ministër i Çështjeve Sociale) dhe Edi Rama e kanë kërcënuar me sms pronarin e ish televizionit Agon.
Malaj: Taulant Balla më ka kërkuar mos kritiko qeverinë dhe Lali Erin, se të heqim nga puna. E kam këtu me sms.
Fevziu: A mund të na e tregoni.
Malaj: Jo, jo. Nuk kam arsye pse ta bëj publike, por ajo është këtu.
Malaj: 110 mln dollarët që do t’i vijnë gjobë qeverisë nga rasti i Bechettit, e dini ju që ajo gjobë do të na vijë për shkak të sms-ve që Rama e Lali Eri i kanë dërguar atij biznesmeni? Po, po, i kanë dërguar sms kërcënuese pronarit të AGON dhe siç dhe e dini, kur një politikan kërcënon një biznesmen, në gjykatat ndërkombëtare e ke të humbur gjyqin. Por këta janë kalamaj.
Discussion about this post