Ministrja e Arsimit Lindita Nikolla në një fjalim të mbajtur sot me mësuesit për Reformën në Arsim është shprehur mjaft e kënaqur me gjendjen në të cilën gjendet sot arsimi.
Në fakt më shumë se një fjalim ministror fjalimi i saj ngjante me një fjalim që bëhej në një takim pragelektoral.
Ajo ka vlerësuar arritjet e arsimit në këto vite nën drejtimin e saj, pa harruar të përmendte se ka akoma punë për të bërë.
‘’Mos lejoni gojëliqtë që të përdhosin punët tuaj. Unë jam e vetëdijshme që buxhetet nuk kanë qenë të larta. Po edhe këtu dua të ndalem me shumë modesti, për të mos harruar gabimet që janë bërë në të shkuarën.
Shumë është bërë dhe ende shumë ka për t’u bërë. Ky që ne kemi bërë është një investim shumë i madh. Sot universitetet po akreditohen dhe që në vitin e parë kemi një kurrikul mjaft cilësore.
Unë ju lutem që të mos më lini vetëm dhe dua të dëgjoj të gjitha dëshmitë tuaja në lidhje me punësimin nëpërmjet portalit të mësuesve online’’, u shpreh ndër të tjera Nikolla. (E.K/SHUPLAKA)
Discussion about this post