Këshilltari i kreut të Kuvendit, Lorenc Vangjeli ka treguar sonte në “Opinion” batutat midis Ramës dhe Bashës në takimin me ndërmjetësimin e Presidentit Nishani që sipas tij pranohen të kenë ndodhur edhe nga palët politike.
Lorenc Vangjeli tha se menjëherë mes dy liderëve politikë pati debat për situatën në vend por edhe batuta.
“Ka qenë Basha i pari ai që ka nisur të lexojë kushtet e opozitës dhe Rama ka ndërhyrë menjëherë duke i thënë: “Mos më fol si në çadër se hutohem dhe nuk të ndjek dot”,- u shpreh Vangjeli.
Sipas Vangjelit, që nga ai moment u duk që nuk do të kishte marrëveshje për zgjidhjen e krizës politike.
(M.D/Shuplaka)
