”Mos i merr leje zotit që të shkosh të bësh drekën”, s’duhet humbur si e kujton Elton Deda Aleksandër Lalon

Ndarja nga jeta e artisiti Aleksandër Lalo ka prekur zemrat e të gjithë miqve, por edhe publikut që ka njohur veprën e tij muzikore.

Elton Deda e kujton ndryshe artistin e madh. Ai thotë se me njëri-tjetrin flisnin shpesh në telefon, teksa Lalo i thoshte se nuk duhet që ta linte pas dore krijimtarinë. ‘’Unë kam ndërmend ti buzëqesh jetës që hoqi dorë prej teje”, shkruan mes të tjerave Deda.

Më tej ai i kujton Lalos dhe momentin kur ua plasi në sy ministreve atë që mendonte për gjendjen  e artit dhe u tha se po shkonte të bënte drekën.

‘’ Dhe je i lutur që mos ti marrësh as Zotit leje nëse do të shkosh e te bësh drekën”, shkruan Deda.

REAGIMI I PLOTË I ELTON DEDËS:

Zakonisht e takoja me humor te mire. Shpesh me merrte ne telefon dhe me thonte “ mos e ler krijimtarine pas dore”. Nje nate u ulem dhe morem nga nje fernet. Folem gjate me miq per hallet e panumerta qe kane artistet ketu. Sot, ti nuk je me.

Une kam ndermend ti buzeqesh jetes dhe jo ti mbaj meri se u dorehoq prej teje. Ashtu eshte ajo, ka qejf te beje kaprico ndonjehere e kur i do qejfi, si ato femrat xanxare. Ti ishe miku i babait tim, ishe miku im ishe miku i gjithe muzikanteve te ndershem.

Ti ishe miku i muzikes, ti ishe unikali me shpirt te brishte dhe i perkedheluri i Perendise. Mos harro te punosh me korin e engjejve atje ku u nise mbreme. Dhe je i lutur qe mos ti marresh as Zotit leje nese do te shkosh e te besh dreken. Lamtumire o i madhi Sander Lalo.

(E.K/Faxweb)