Kryeministri Edi Rama ka marrë sot pjesë në panairin dedikuar sektorit të bujqësisë “Shqipëria punon tokën”. Në fjalën e mbajtur Rama tha se kjo është një mundësi e krijuar për të gjithë. Duke shigjetuar ankesat e të rinjve që nuk gjejnë vende pune Kryeministri u shpreh:
“Të gjithë ata të rinj që presin te kafja për një vend pune, madje dhe aty e duan gati, kjo është një mundësi që tregon se me një iniciativë të vogël mund të arrihet një synim. Kjo sepse ju do të keni gjithë mbështjetjen tonë.”
Më tej Rama theksoi se në vitin 2018 do t’i japin prioritet financimit të sektorit të bujqësisë dhëe riskun do ta marrë përsipër qeveria.
“Ne do të mbështesim të gjithe ata që do të kërkojnë akses në fondin e garancisë kombëtare, duke stimuluar bashkimin në shitje. Shumë fermerë ankohen për çmimin dhe ne u themi se ato janë rezultat i të jetuarit të ndarë nga njëri-tjetri duke u dhënë mundësi grosistëve që të përçajnë dhe të sundojnë.”, u shpreh Rama.
(F.M/Faxweb)
Discussion about this post