Dy persona janë kanosur me armë zjarri në Gajdër të Lezhës. M.N dhe vëllai i saj N.M ishin në ecje me automjetin e tyre kur u ndaluan nga një “Fuoristradë” ku zbritën 3 persona. Sipas policisë dy të rinjtë janë kërcënuar me jetë nga 3 persona që të mos shpërndanin lekë për fushatë. 3 të rinjtë e kanë kanosur me armë 33 vjeçaren bashkë me vëllain e saj.
DETAJE:
Burimet e Policisë atje thanë se dje, rreth orës 14:50 në sallën e Komandimit u mor njoftimi se në fshatin Gjadër, Njësia Administrative Dajç, shtetasja M.N., 33 vjeçe, banuese në Gjadër është kanosur me armë zjarri nga disa persona.
Me të marrë njoftimin u ngrit grupi hetimor, i cili shkoi në vendin e ngjarjes dhe janë kryer veprimet e para proceduriale, si dhe është organizuar puna për të bërë të mundur dokumentimin dhe kapjen e autorëve të kësaj ngjarje.Nga tërësia e veprimeve të deritanishme rezulton se rreth orës 14:30, shtetasja M.N. së bashku me vëllain shtetasin E.N., kur po lëviznin me automjetin e tyre në Gjadër janë ndaluar nga një mjet fuoristradë tip ‘Benz’, nga ku kanë zbritur 3 persona.
Sipas kallëzimit të shtetases M.N., njëri prej tyre nën kërcënimin e armës së zjarrit pistoletë i ka kanosur ata dhe familjarët e tyre, me motivin që mos të shpërndanin lekë për fushatë elektorale.
Nga veprimet hetimore rezulton se autorë të dyshuar të kësaj vepre penale janë shtetasit: - S.N. 19 vjeç, banues në Lezhë - G.M. 21 vjeç, banues në Lezhë - A.M. 24 vjeç, banues në Lezhë.
Veprimet në lidhje me këtë ngjarje janë kryer në bashkëpunim me Prokurorinë e Rrethit Gjyqësor Lezhë dhe vazhdojnë hetimet për dokumentimin e plotë ligjor të kësaj ngjarje.
Strukturat e Policisë po punojnë për kapjen e personave të shpallur në kërkim në lidhje me këtë ngjarje.
(J.V/Shuplaka)
Discussion about this post