Një i ri në Librazhd ka denoncuar pranë portalit Jeta Osh Qef pakujdesinë e një infermiere në spitalin e këtij qytetit ndaj nënës së tij.
Nëna e të riut shkoi tek urgjenca e spitalit të Librazhdit për të bërë një serum, por një infermiere rreth të 40-ave i çau venën dhe me një arrogancë u largua duke mos kërkuar as falje për këtë neglizhencë dhe tallje ndaj jetës së tjetrit.
Denoncimi i qytetarit:
“Dua të denoncoj paaftësinë e infermierëve të Spitalit Librazhd. Sot më datë 30/12/2017 rreth orës 1 të drekës një pjestare e familjes time shkoi tek urgjenca e Spitalit për të bërë një injeksion dhe serum. Infermierja, një grua rreth 40-ave me flokë të zeza, ia çau venën dhe nuk gjente dot damarin. E futi agën duke pasur telefonin në dorë. Mirë kaq, por as nuk vinte për të kontrolluar pacienten, sikur e kishte për herë të parë që e bënte këtë gjë. Spitali është mbushur plot me djem dhe vajza të reja dhe si puna e kësaj zonjës që më tha: Njerëz jemi gabime do bëjmë”. I bëj thirrje zonjës që të bëjë prova teknike tek mishi vet dhe i familjarëve të saj. Ndërkohë të afërmit tim i është ënjtur dora, i është nxirë dhe u drejtuam drejt Elbasanit. Ju lutem bëjeni publike ta marrin vesh çfarë bëhet për të parandaluar të tjera ndodhi si kjo nga papërgjegjshmëria. Që tek një serum i thjeshtë nuk dinë e jo më për operacione të mëdhaja“.
I riu sqaron se në momentin që po i vendoste serumin nënës së vet, me një dorë bënte punën, ndërsa me tjetrën ka tentuar që të hapë telefonin dhe po e përdorte pasi dikush po e merrte, ndërsa vena e pacientes nuk shihej me sy për shkak të papërgjegjshmërisë së saj. (A.R/SHUPLAKA)
[ngg_images source=”galleries” container_ids=”474″ exclusions=”158,159,160,163,164,165,166″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
