Gjykata Kushtetuese vendos të shtyjë për në datën 23 prill seancën për shqyrtimin e një prej neneve të ligjit nr. 95 të vitit 2016 “Për organizimin dhe funksionimin e institucioneve për të luftuar korrupsionin dhe krimin e organizuar”, mbi bazën e të cilit funksionojnë Prokuroria e Posaçme (SPAK) dhe Gjykatat e Posaçme Antikorrupsion.
Në proces, gjyqtarët kushtetues kanë vlerësuar se krahas Kuvendit dhe Këshillit të Ministrave të thërrasin si palë të tretë edhe Këshillin e Lartë Gjyqësor.
Kjo, pasi çështja lidhet me një vendim të KLGJ për mos emërimin e gjyqtarit Gerd Hoxha në Gjykatën e Posaçme. Ky i fundit pretendoi në gjykatë Administrative se u skualifikua nga Gara pasi komisioni i posaçëm që funksionin pranë SPAK dhe ka në përbërje dy prokurorë, një gjyqtar të posaçëm, një hetues financuar pranë SPAK dhe një hetues i BKH-së dha vlerësim negativ për të.
Si argument – pretendon Hoxha – komisioni përdori një foto rastësore e tij me Erion Veliaj, kryetar i Bashkisë së Tiranës, me të cilin u takua dhe përshëndet në një aktivitet të organizuar nga ambasada britanike.
Ndodhur përpara kësaj situate, Administrativja vuri në lëvizje gjykatën Kushtetuese dhe kërkoi prej saj interpretim të nenit mbi të cilin funksionon komisioni i posaçëm.
Çështja po shqyrtohet mbi bazë dokumentesh dhe seanca e radhës do të zhvillohet me datë 23 prill, pasi Këshilli i Lartë gjyqësor u thirri si palë e tretë në proces dhe duhet të sjellë pretendimet e tij.
