Moska e ka shpallur në kërkim ndërkombëtar/ Dënohet me 8.6 vite burg gazetarja, protestoi live kundër luftës në Ukrainë

Marina Ovsyannikova, gazetarja që shfaqi një pankartë kundër luftës së Rusisë në Ukrainë në TV live, u dënua në mungesë me 8 vjet e 6 muaj burg.

Ajo u akuzua për përhapjen e informacionit të rremë në lidhje me forcat e armatosura ruse. Në tetor 2022, Ovsyannikova u arratis nga arresti shtëpiak në Rusi dhe, sipas avokatit të saj, tani është “nën mbrojtjen e një prej vendeve evropiane”.

Prandaj ajo u vendos në listën e kërkimeve ndërkombëtare nga Moska dhe, sipas disa burimeve, ajo ndodhet në Francë.

Për pankartat  “ Ndal luftën ” dhe “Po të gënjejnë”, prokuroria ruse kishte kërkuar nëntë vjet e gjysmë burg. Ovsiannikova u ndalua gjithashtu nga administrimi i faqeve të internetit për katër vjet pas lirimit të saj nga burgu.