Temperaturat e ulta, dëbora dhe ngricat e vazhdueshme, kanë shkaktuar jo pak telashe qytetarëve, sidomos atyre në veri të vendit.
Përveç komunikimit të përditshëm, moti i acartë ka shkaktuar edhe një dëm të madh në frutikulturë në qytetin e Dibrës.
Sipas fermerëve, çdo gjë në këtë qytet është dëmtuar, që nga frutat deri tek perimet.
Tregtarët thonë se në mungesë edhe të një tregu të mbyllur, ata janë detyruar që të tregtojnë jashtë, duke bërë që prodhimet të prishen shumë shpejt.
Sakaq, ata tregojnë se asnjë kompani nuk ua ka marrë përsipër prodhimin. Por pavarësisht kësaj, ata dalin çdo ditë për të shitur në trotuar duke sfiduar motin, por edhe duke u rrezikuar nga qarkullimi i makinave.
“Këto ngrica na kanë dëmtu shumë, por shteti nuk vë dorë fare. Me miliona lek na ka dëmtu. Por ne jemi në dorë të Zotit.”, tregon një nga qytetarët.
Fermerët i bëjnë thirrje qeverisë që të kujtohet për t’i kompesuar për dëmin e shkaktuar. (D.D/Shuplaka)
