Moti i “çmendur” në Itali, dëborë dhe tërmete pafund, konfirmohet viktima e parë (Foto/Video)

Moti i “çmendur” i ditës së sotme në Itali, përveçse ka shkaktuar kaos dhe panik tek qytetarët, tanimë shënon edhe viktimën e parë.

Sikur të mos mjaftonin reshjet e dendura të dëborës, trashësia e të cilës në qendër të Italisë arrin deri në tre metra në disa zona, lëkundje të forta janë rregjistruar që prej mëngjesit të sotëm. Por lëkundje të vogla vazhdojnë të ndihen ende edhe gjatë natës.

Një ndërtesë është shembur në Castel Castagna, në Teramano, si pasojë e reshjeve të dëborës dhe lëkundjeve sizmike.

Nga rrënojat e ndërtesës, emergjencat civile nxorën të vdekur një 83-vjeçar.

Ndërkohë, kërkimet janë pezulluar edhe një person të dytë, shtëpia e të cilit u përfshi nga një ortek borë.

Mediat italiane shkruajnë se 60-vjeçari kishte dalë nga shtëpia sëbashku me të vëllanë për t’i shpëtuar tërmetit, por fatkeqësisht i ka zënë orteku.

Sipas autoriteteve italiane, nuk ka shumë gjasa që i moshuari të ketë shpëtuar.

Ndërsa afër Aquilës dhe jo shumë larg nga Amatriçe, emergjencat civile as nuk kanë mundur të shkojnë. Për këtë arsye situata atje mund të jetë akoma më e rëndë. 

Madje edhe zyra e Komunës së Komuna e Campotosto është shembur këtë mëngjes. Banorët janë izoluar brenda shtëpive dhe çadrave, por deri më tani askush nuk ka arritur t’u vijë në ndihmë. (D.D /Shuplaka)

[ngg_images source=”galleries” container_ids=”830″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]https://www.youtube.com/watch?v=1cLiaEjpetY&feature=youtu.be