Pezullohen të gjitha lundrimet nga porti i Barit drejt Durrësit.
Si pasojë e motit të keq Kapiteneria e portit të Barit është detyruar ti bllokojë të gjitha lundrimet deri në momentin kur situata do të përmirësohet plotësisht.
Ky pezullim ka ardhur si pasojë e erës së fortë me shpejtësi 70km/h me drejtim verilindje dhe detit me mbi 7 ballë.
Ndërkohë, dy tragetet e planifikuara për tu nisur mbrëmjen e sotme nga Durrësi drejt Barit do të nisen sipas orarit të programuar.
Nga Kapitaneria e Durrësit janë lajmëruar të gjitha anijet tregtare dhe peshkarexhat të qëndrojnë në vendstrehime të sigurta. (M.D/SHUPLAKA)
