Moti i keq, Emergjenca Civile: Të vijojë përdorimi i zinxhirëve

Drejtori i Përgjithshëm i Emergjencave Civile, Shemsi Prençi ka reaguar sërish lidhur me situatën në vendi për shkak të motit të keq.

Në reagimin për një portal online, ai bëri me dije se aktualisht rrugët nacionale janë të hapura dhe kompanitë vazhdojnë të jenë të angazhuara për situatën.

Në vijim, Prençi u bëri thirrje drejtuesve të mjeteve që të vazhdojnë të përdorin zinxhirët kur qarkullojnë me automjetet e tyre.

Pritet një përmirësim i lehtë i motit në ditët në vijim, megjithatë ngrica do vijojë të jetë e pranishme. Fundjava e ardhshme thuhet se do të karakterizohet nga mot i paqëndrueshëm. (XH.A/SHUPLAKA)