Një aksident i rëndë ka ndodhur në fshatin Nimçë në Kukës. Ku dy persona kanë humbur jetën dhe disa të tjerë kanë mbetur të plagosur.
Mësohet se drejtuesi i automjetii tip “Benz” humbi kontrollin dhe doli nga rruga për shkak të lagështisë.
Nga aksidenti ka gjetur vdekjen drejtuesi i mjetit, Mustafa Hoda, 45 vjeç, dhe pasagjeri, Ramadan Koboçi, 50 vjeç.
Ndërkohë, djali i mitur 11 vjeç, që gjithashtu udhëtonte në automjetin tip “Benz” që doli nga rruga, mësohet se nuk ka marrë dëmtime serioze dhe ndodhet jashtë rrezikut për jetën.
Njoftimi i policisë:
“Më datë 07.10.2017, në fshatin Nimçë, si pasojë e lagështirës, ka dalë nga rruga mjeti tip ‘Benz’. Për pasojë ka gjetur vdekjen drejtuesi i mjetit, shtetasi M.H., 45 vjeç, dhe pasagjeri, shtetasi R.K., 50 vjeç, banues në fshatin Nimçë. Është transportuar në gjendje të rëndë në spitalin e Tiranës shtetasi Xh.H., 34 vjeç, ndërsa shtetasi i mitur N.K., 11 vjeç, banues në fshatin Nimçë, s’ka probleme për jetën”, bën të ditur zyrtarisht Policia.
Nga hetimet paraprake të grupit hetimor të ngritur nga Policia e Kukësit mësohet se shkak i aksidentit ka qenë moti i keq, pasi lagështira është bërë shkak që drejtuesi i automjetit të humbë kontrollin dhe për pasojë të dalë nga rruga.
Por, pavarësisht kësaj, grupi hetimor po punon për zbardhjen e plotë të ngjarjes, pasi nuk përjashtohet mundësia që drejtuesi i automjetit të ketë qenë duke udhëtuar tej normave të shpejtësisë apo ndonjë shkak tjetër që solli aksidentin e rëndë me dy viktima dhe dy të tjerë të plagosur.
(S.SH/Shuplaka)
