Moti i keq në vend ka shkaktuar probleme në furnizimin me energji elektrike për disa zona në vend. OSHEE njofton se rajoni më i prekur është Shkrodra, në të cilën po vijohet puna për normalizimin e situates dhe po riparohen defektet.
Në këtë zonë defektet janë shkaktuar për shkak të stuhisë së erës që ka përfshirë rajonin. Problemet më të shumta të shkëputjes së energjisë elektike janë zonat malore ku grupet e avarisë po punojnë për riparimin e defekteve, të shfaqura kryesisht në degëzimet e fiderave.
Sipas OSHE rajonet të cilat kanë shkëputje të energjisë elekrike janë:
Rajoni Tiranë: pjesërisht Autostrada Tiranë-Vorë, Vorë-Fushë Krujë, si dhe është stakuar për arsye mbingarkesë në linjën 35 kV Shkozet-Shijak, Fideri Gërdec në Nst Vorë që mbulon zonën Gërdec.
Rajoni Elbasan: Seferan/Belsh, komuna Pishaj/Gramsh
Rajoni Korca: Mbreshtan/Ersekë Rajoni Burrel: Ish Komuna Fan, Bardhaj, Shullaz.
Rajoni Shkodër: Ishull Shëngjin, Kelmend, Dobrac. Rajoni Kukës: Lekbibaj, Golaj.
OSHE pranë drejtorisë qendrore të saj, ka ngritur një shtab qendror pranë të cilit përcillen informacione nga dispeceritë rajonale të ngritura në 11 drejtoritë rajonale të OSHEE në vend.Po kështu rreth 1500 punonjës janë angazhuar në terren, në brigada avarie pune për eliminimin e të gjitha defekteve në rrjetin energjetik. Operatori i Shpërndarjes së Energjisë Elektrike, OSHE, po ndjek me vëmendje situatën e krijuar nga moti i keq që ka përfshirë vendin, kryesisht zonat malore. Fidrat që furnizojnë spitalet, objektet të pushtetit qendror, vendor dhe konsumatorë të rëndësisë të veçantë janë të gjithë në punë. “Njëkohësisht të gjitha linjat 35 kV dhe N/Stacionet janë në skemë normale furnizimi me energji dhe hidrovoret janë të gjitha në punë”, thuhet në njoftimin e OSHE-së.
Discussion about this post