Moti i keq ka pushtuar vendin, teksa reshjet e dendura kanë shkaktuar edhe përmbytje në dy qytetet bregdetare të Durrësit dhe Vlorës. Siç duket nga videot e siguruara nga Fax News në këto dy qytete, disa rrugë të rëndësishme janë bllokuar nga uji.
Kanë mjaftuar vetëm pak minuta që rrugët e qytetit të Durrësit të mbushen me ujë. Ndërkaq në të gjithë portin e Durrësit është pezulluar edhe aktiviteti.
E njëjta situatë raportohet edhe në qytetin e Vlorës, ku më pak se 10 minuta reshje shiu me itensitet të lartë kanë mjaftuar që të përmbyten disa rrugë dhe lagje të rëndësishme.
Video e përmbytjeve nga qyteti i Durrësit
Video e përmbytjeve nga qyteti i Vlorës
Siç raporton korrespondetja e Vlorës, Afrovita Hysaj pavarësisht se kanalizimet kanë kohë që kanë përfunduar në këtë qytet, kjo nuk ka ndikuar në parandalimin e përmbytjeve.
Reshjet e shiut kanë bllokuar disa lagje dhe rrugë të rëndësishme në këtë qytet. Hapja e pusetave ka qenë veprimi i parë i ndërmarrë për të shmangur përmbytjen. Përmbytjet kanë sjellë theksuar një tjetër problematikë në këtë qytet, atë trafikut. Siç raportohet një pjesë e mirë rrugëve është bllokuar edhe nga punimet në bulevardin “Ismail Qemali” duke shkaktuar një kaos në trafik.
(J.D/Faxweb.al)
Discussion about this post