Moti i keq me reshje intensive shiu ka rikthyer problematikën në rrugën Elbasan-Gjinar, konkretisht në fshatin Shelcan. Një pjesë e konsiderueshme e segmentit rrugor vijon të mbetet e rrezikshme për përdoruesit e rrugës.Emergjencat Civile raportojnë se për shkak të dëmtimit të trasesë së rrugës në këtë segment, u rrezikohet jeta e drejtuesve të automjeteve dhe pasagjerëve që qarkullojnë në këtë aks që lidh qytetin e Elbasanit me zonën e Gjinarit.
Kohë më parë në këtë segment është ndërtuar një by pass, por pak përdorej nga qytetarët. Për pasojë emergjencat civile kanë kërkuar mbylljen e rrugës dhe përdorimin e By passit. Rruga Elbasan-Gjinar është një nga rrugët e mbetura të papërfunduara e nisur që në 2011, për të cilën disa kohë më parë u bënë arrestime të shumta mes të cilëve edhe ish-drejtorë të Rrugëve, administratorë të firmës ndërtuese dhe supervizori. Ndërkohë probleme vijon të ketë fshati Crrunjë në Bashkinë Elbasan ku rrëshkitja e tokës rrezikon mjaft banesa. Akset nacionale janë të gjitha të hapura.
Discussion about this post