Vendi ynë do të mbetet nën mbizotërimin e vranësirave dhe shirave në pjesën më të madhe të territorit, por rrebeshe shiu priten sërish në zonat Qëndrore dhe Jugore.
Në një lidhje live për Fax News sinoptikania Anira Gjoni është shprehur se muaji prill do të jetë me mot të paqëndrueshëm.
Në një intervistë me gazetaren Sedjana Huna ajo është shprehur se përgjatë këtij muaji nuk duhet ta heqim çadrën, pasi here pas herë do të ketë reshje shiu.
“Presim të jetë një muaj që do të ketë vranësira dhe kthjellime të alternuara,. Nuk duhet që ta heqim çadrën pasi do të ketë reshje të njëpasnjëshme. Java nisi me reshje dhe për gjatë ditëve në vijim do të kemi reshje shiu. Edhe fundjave do të ketë mot të paqëndrueshëm. Në ditët në vijim pritet që të ketë dhe një rënie të temperaturash gjatë fundjavës dhe e hëna e javës që vjen do të sjellë rënie temperaturash. Përsa i përket kushteve atmosferike do të jenë të paqendrueshe për shkak dhe të stinës që e simbolizon këtë kohë”, ka thënë ajo.
