Moti i keq, bllokohet mësimi në dy komuna në Shkodër

Moti i ftohtë siberian ka përfshirë ditën e sotme vendin tonë dhe situata pritet të përkeqësohet në ditët në vazhdim.

Në Qarkun e Shkodrës, Emergjencat Civile kanë raportuar situatë në kontroll në qendrat e bashkive por situata mbetet problematike në njësitë e thella administrative.

Burime të Fax Neës bëjnë të ditur se për shkak të motit të keq me stuhi dhe rreshje bore si dhe për shkak të bllokimit të rrugës, është pezulluar mësimi në njësitë administrative Temal dhe Shllak.

Drejtoria Arsimore e Qarkut Shkodër ka lajmëruar më herët përmes Shefit të Emergjencave Civile, Pëllumb Dani, se do të marrë të gjitha masat e nevojshme për t’u ardhur në ndihmë nxënësve dhe shkollave në zonat e bllokuara.

(E.L/Faxweb)