Moti i keq dhe dallgët e forta kanë sjellë probleme në transportin detar. Në Adriatik janë pezulluar lëvizjet gjatë natës të mjeteve lundruese, si tragete. Për këtë arsye, është shtyrë lundrimi i tragetit nga Brindisi (Itali) drejt Durrësit.
Mësohet se trageti duhet të nisej mbrëmjen e kaluar dhe të mbërrinte sot në orët e para të mëngjesit, por për shkak të motit të keq trageti është nisur sot në mëngjes dhe pritet të mbërrijë rreth mesditës në portin tonë.
Po kështu lundrimet janë pezulluar edhe në portin e Vlorës. Trageti i linjës Brindisi-Vlorë duhet të mbërrinte në orën 07:00 por nuk ka mbërrtiur pasi dallgët kanë vështirësuar lundirmin. Në det të hapur dallgët shkojnë 7 deri 8 ballë. Për momentin janë pezulluar edhe lundrimet që ishin të planifikuara. (J.V/Faxweb.al)
