Reshjet e dëborës kanë përfshirë veriun e vendit dhe juglindjen e vendit ku për pasojë ka pasur vështirësi në qarkullim.
Kështu në Pukë si pasojë e reshjeve është bllokuar rruga në fshatin Iballë. Ndërkohë kërkohet ndërhyrja e mjeteve të ARRSH për zhbllokimin e rrugës ku në segmente të caktuara trashësia i kalon 40 cm.
Ka probleme edhe ne aksin rrugor Pukë – Fushë Arrëz.
Ndërkohë që që edhe aksi rrugor Librazhd-Bulqizë është I pakalueshëm. Po ashtu edhe segmenti shkalla e Lunikut – Steblevë rezulton e bllokuar nga reshjet intensive të dëborës.
Në Steblevë trashësia e dëborës raportohet të ketë arritur ne 50 cm. Borëpastrueset janë në terren dhe po pastrojnë rrugën.
Bora ka përfshirë edhe pikën turistike të Gjinarit. Vetëm se këtu nuk raportohen probleme në rrugë veç ngricave, por një mundësi e mirë për tu shfrytëzuar për turizëm.
Disa fshatra të thella malor në Librazhd si Stravaj dhe Polis rezultojnë të bllokuar nga Debora.
Ndërkohë moti i keq ka bllokuar sot paradite përpunimin e dy anijeve me mallra në portin e Durrësit.
Nga Qendra e Informacionit në APD mësohet se anija “NS Angela” me 4287 ton çimento dhe “”Sveti Duje” me 3400 ton blloqe graniti sot paradite nuk e kanë filluar proçesin e shkarkimit të mallrave për shkak të reshjeve të pandërprera. Ka vijuar pa probleme vetëm ngarkimi me 7 mijë ton çimento në anijen “Seaven Luck” në Terminalin Lindor.
Mësohet gjithashtu se dy tragetet e linjës Bari – Durrës, përkatësisht “AF Marina” dhe “Rigel II” kanë mbërritur në port sipas grafikut të parashikuar, rreth orës 7.30 të mëngjesit.
Nga Qendra e Informacionit, mësohet se në radën portuale ndodhet anija “Golden Bay” që pret të ngarkohet me 4100 ton çimento, ndërsa priten sot në port edhe anijet tregtare “Nevado 32” me 2894 ton xhama dhe “Konosha” me 5251 ton grurë.
Ndërkohë në Vlorë trageti i linjes Vlorë-Brindisi, për shkak të erës së forte trageti nuk ankorohet dot pasi rrezikon përplasjen me kalatat. Ne gji deti shkon në 4 ball ndërsa në det të hapur deri në 6 ball. Aktualisht trageti është pezulluar. Ende nuk është përcaktuar nëse trageti do të lundroj drejt italisë, ndërsa moti pritet të përkeqësohet. Nga kapiteneria bëhet me dije se mbeten në pritje të situatës klimaterike.
(B.H/Faxweb)
Discussion about this post