Moti në vend për ditët në vazhdim, si do të jetë java e parë e Janarit

I ftohti që ka mbërthyer vendin tonë kryesisht gjatë muajit të fundit të vitit ka vijuar edhe këtë fillim vit. Ditën e sotme, temperaturat maksimale në jug shënojnë 12 gradë Celsius, ndërsa më minimalet shënohen në lindje me -4 gradë Celsius.

Moti i ftohtë dhe pa reshje pritet t’i lerë vendin këtyre të fundit që do të përfshijnë vendin tonë në ditët në vijim. Prej të martës, moti me reshje dhe vranësira do të përfshijë të gjithë territorin e vendit tonë ku dhe në vendet bregdetare shansi për reshje do të jetë mbi 50%.

E enjtja do të jetë dita e javës që parashikohet të ketë reshje më të dendura, ku era do të fryjë me mbi një metër për sekondë në juglindje dhe mbi pesë metra në perëndim.

Situata parashikohet të ndryshojë gjatë fundjavës, ku intesiteti i reshjeve do të ketë rënë megjithatë do të vazhdojnë temperaturat e ulëta. (XH.A/SHUPLAKA)