Ngjarja e rëndë që ndodhi pardje në fshatin Mushtisht në komunën Suharekë, në Kosovë, ku xhaxhai vrau aksidentalisht me armë nipin dhe u plagos edhe vet, ka shkaktuar reagime të forta.
Dasma në Kosovë u kthye në tragjedi, pasi xhaxhai i 14-vjeçarit teksa qëllonte me armë në ajër, goditi edhe nipin e tij Edin. Mes dhimbjes për humbjen e madhe, motra e viktimës, i ka kushtuar një status këtij të fundit, ndërsa ka habitur edhe me një dedikim kushtuar xhaxhait të saj. Në një mesazh në Facebook Njomza Sopaj thotë se ngjarja ndodhi aksidentalisht, ndërsa i shprehu gjithë dashurinë xhaxhait të saj.
“Xhaxhi pa marrë parasysh se çfarë flasin njerëzit ti për ne je njeriu më i dashur. Muj me thënë që edhe zëvendëson vendin e prindit gjithçka ndodhi pa dëshirën tënde ti si askush tjetër ja plotësove çdo dëshirë që kishte Edi. Të dojmë shumë xhaxhi”,- ka shkruar motra e 14-vjeçarit.
Mësohet se Gjykata e Suharekës, i ka caktoi masën e sigurisë prej një muaji paraburgim xhaxhait të viktimës.
Dy ditë më parë rreth orës 14:15 një i mitur me plagë në trup u soll për ndihmë mjekësore në Qendrën e Mjekësisë Familjare. Në shtëpinë e familjes Sopaj në fshatin Mushtisht kishte pasur aheng familjar dhe i ndaluari kishte shtënë në ajër me armë zjarri. Sipas hetimeve fillestare dyshohet se gjatë krismave arma është bllokuar dhe duke u përpjekur për ta zhbllokuar armën vetëplagoset i dyshuari e me pas plumbi e godet edhe nipin e tij 14-vjeçar. I riu u soll në Emergjencën e Spitalit Rajonal në Prizren për trajtim por nuk mundi të mbijetojë.
\
Discussion about this post