Trajneri Jose Mourinho është kapur me kritikët pas startit të dobët të sezonit nga skuadra e tij, Romës. Megjithatë verdhekuqtë fituan mbrëmë ndaj Frosinones me rezultatin 2-0, duke u rikthyer te triumfet në Serie A.
Kjo ishte fitorja e dytë në 6 ndeshjet e para të këtij edicioni të kampionatit italian. Ky është fillim sezoni më i keq në karrierën e Mourinhos dhe shumë dyshime u ngritën mbi të ardhmen e portugezit në klubin romanist.
“Duhet të bie dakord me ata që thonë se nuk jam modest. Por unë i kam disa vepra. Të fitosh Champions League me Porton është akt heroik, me 9 lojtarë portugezë në formacion. Ishte arritje e madhe. Por ka pasur klube të tjera të cilat kam drejtuar me buxhet të madh edhe skuadër të madhe, por kam pasur edhe vështirësi me klube ku fitorja dukej si mrekulli. Fitova me Manchester United një Europa League; me Romën gjithashtu fitova Conference League”, tha Mourinho për “Sky Sports Italia”.
Roma do të luajë ndaj zviceranëve të Servettes ndeshjen e rradhës në Europa League ditën e enjte.
