Mourinho nuk e fsheh më: Barcelona ishte më e mirë sesa Reali im

Sot, Manchester United i tij fitoi me rezultatin 2-0, derbin miqësor ndaj Manchester City të Pep Guardiola.

Ndërkohë Jose Mourinho pranon nga Huston, se Barcelona e drejtuar asaj kohe nga trajneri katalans ishte më e mirë se Real Madrid i udhëhequr nga portugezi.

 “Nuk ishte një suprizë për mua, por për ata që shesin rivalitetin. Vazhdoj të them të njëjtën gjë. Punuam 3 vite bashkë, qeshëm në fitore dhe qamë në humbje. Mbrojtëm të njëjtin klub dhe marrëdhënia jonë ishte shumë e mirë ato tre vite. Më pas Guardiola u bë trajner i Barcelonës ndërsa unë i Real Madrid. Ishte një moment specifik për të dy klubet, pasi Barcelona ishte më e mirë në botë, kur Real Madrid, një gjigand me probleme. Kjo e bënte rivalitetin më të madh. Por tani gjërat kanë ndryshuar. Në Premier League, nuk është më një përballje mes nesh, por një përballje për trofeun e kampionatit anglez,” tha Mourinho.

(S.SH/Shuplaka)