Mourinho s’i shmang polemikat: Njëri nga golat e Realit u shënua nga pozicion jashtë loje

Fitorja e Realit të Madridit ditën e djeshme në ndeshjen e Superkupës që u luajt në Shkup konfirmoi edhe njëherë edhe trajnerin e madrilenëve.

Lojtar i madh dhe trajner i madh. Kjo është historia e Zinedine Zidane i cili mbrëmjen e ngriti kupën e 6 me Real Madrid për 20 muaj.

 ‘Jemi të gjithë të kënaqur sepse luajmë gjithmonë për të fituar ndeshjet e rëndësishme është shprehur francezi. Kemi bërë mirë, vuajtëm pak në pjesën e dytë por në fund fituam me karakter. Është akoma fillimi, sezoni është ende i gjatë, është shprehur Zidane.

Ndërkaq trajneri i Manchester United, Jose Murinho nuk i ka shmangur polemikat edhe pas kësaj ndeshjeje. ‘Number One’ ka shprehur pretendime për golin e dytë të Real Madrid. Sipas tij nëse moviola do të ishte në fushë, ndeshja do të kishte shkuar në shtesë.

‘Mund të bënim më shumë por një nga golat e Real ishte në pozicion jashtë loje. Me moviolën në fushë ndeshja do të kishte shkuar në kohën shtesë. Luajtëm kundër një skuadre me lojtarë fantastikë dhe rezultati ishte në mëdyshje deri në fund. Luajtëm deri në fund’, deklaroi Jose Murinho.

(E.K/SHUPLAKA)