Një mrekulli ka ndodhur me gazetaren Saranda Hoda nga Gjakova e Kosovës, e cila vuante nga Haemangioma, rritja e pakontrolluar e venave, një sëmundje që e kanë vetëm 16 persona në botë.
Gjatë muajit janar është zhvilluar një fushatë për të mbledhur fonde në të gjithë Kosovën në mënyrë që të realizohej kurimi i saj. Saranda jo vetëm që ia ka dalë po është rikthyer edhe më fuqishëm. Ka ndërmend që pas gazetarisë t’i futet politikës.
Hoda do të kandidojë për këshilltare në Komunën e Gjakovës.
“Gjatë këtyre muajve gjendja ime është në përmirësim, jam nën kujdesin e mjekëve. Kisha disa ndërhyrje dhe në Dhjetor do të bëhet ndërhyrja e madhe, ky është suksesi im. Kam patur mbështetjen e familjes, të afërmve dhe dashamirësve. Vendimi për të hyrë në politikë erdhi papritur.
Arsyeja e parë se përse u përfshiva në politikë është se unë vij nga një familje ku respekti për presidentin historik Ibrahim Rrugova ka qenë i patjetërsueshëm. Arsyeja e dytë është për t’i kthyer në të mira, të gjithë ata që kanë kontribuar për mua kur isha sëmurë. Unë kam sfiduar vdekjen dhe do ta sfidoj edhe këtë rrugë të vështirë të politikës”, tha Hoda.
(E.K/SHUPLAKA)
