Fluks i madh kosovarësh raportohet së fundmi në pikën doganore të Morinës. Pavarësisht Muajit të Madhërishëm të Ramazanit, qindra kosovarë kanë zgjedhur Shqipërinë për të pushuar, kaluar këto ditë të nxehta Qershori.
Në pikën kufitare të Morinës në Kukës, për shkak të fluksit të lartë është duke u punuar me pesë sportele. Ardhja e madhe e tyre ka nisur prej orës 3 të mëngjesit, referuar burimeve për “OraNeës”.
Në hyrje të Shqipërisë janë regjistruar 600 automjete të vogla dhe 25 autobuzë. Për shkak se ngarkesa është e papërballueshme, është ndjekur procedura e përshpejtuar për të shmangur rradhët dhe pritjet.
Pritet që ky fluks të vazhdojë edhe gjatë së dielës për shkak të ndeshjes Kosovë-Turqi që do të luhet në “Loro Boriçi”.
(XH.A/SHUPLAKA)
